«Բիստրայա պոչտա» համակարգով ֆիզիկական անձանց կողմից  իրականացվում են ոչ առևտրային նպատակով փոխանցումներ, առանց հաշվի բացման: Համակարգի կարևոր առավելություններից է փոխանցումների սպասարկման լայն ցանցը. այն իրականացվում է ԱՊՀ երկրների ավելի քան 5000 սպասարկման կետերում, որից մոտ 700-ը գտնվում են Ռուսաստանի Դաշնությունում:

Համակարգի առավելություններ են հանդիսանում.

• ցածր միջնորդավճարը` փոխանցվող գումարի 2%, նվազագույնը 5 ԱՄՆ դոլար կամ ԵՎՐՈ` կախված  փոխանցվող գումարի արտարժույթից , որը գանձվում է փոխանցողից, ստացողը գումարը ստանում է ամբողջությամբ
• փոխանցումները կատարվում են ԱՄՆ դոլար և ԵՎՐՈ արտարժույթներով
• փոխանցման իրականացման տևողությունը` ընդամենը 1րոպե
• մատչելիությունը`փոխանցման հասցեատերը գումարը կարող է ստանալ ցանկացած սպասարկման կետում անկախ նրանից, թե ուր է ուղարկվել գումարը
• կատարվում են նաև վճարումներ ՌԴ արտարժույթով

«Բիստրայա պոչտա» համակարգով փոխանցումները իրականացվում են «Առէկսիմբանկ-Գազպրոմբանկի խումբ» ՓԲԸ գլխամասում և բոլոր մասնաճյուղերում:

Փոխանցումներ կարող են կատարել հետևյալ տվյալների առկայությամբ.

• ուղարկողի անուն, ազգանուն, հայրանուն(եթե այն նշված է անձնագրում)
• ուղարկողի անձնագրային տվյալները
• ուղարկողի ծննդյան ամսաթիվը
• ուղարկողի հասցեն
• այն երկրի և քաղաքի անվանումը, որտեղ պետք է փոխանցվեն դրամական միջոցները,
• գումարը
• ստացողի անուն, ազգանուն, հայրանուն(եթե այն նշված է անձնագրում)

«Բիստրայա պոչտա» համակարգը հնարավորություն է տալիս փոխանցողին ուղարկել մինչև 100 սիմվոլ պարունակող հաղորդագրություն:

«Բիստրայա պոչտա» համակարգով փոխանցված դրամական միջոցների վճարումը իրականացվում է անձը հաստատող փաստաթղթի և  տասանիշ գաղտնակոդի հիման վրա:

Մանրամասն տեղեկությունների համար կարող եք օգտվել http://www.bpochta.ru/ կայքից կամ զանգահարել 58-05-06 տեղեկատու հեռախոսահամարով:

Ուշադրություն

Հաճախորդը կարող է  դրամական միջոցները փոխանցել իր նախընտրած արտարժույթով, որը սահմանում է տվյալ համակարգը: Ստացված գումարը հաճախորդին վճարվում է կանխիկ այն արտարժույթով, որով ստացվել է, անհրաժեշտության դեպքում կարող է կատարվել տարադրամի փոխարկում:

Փոխանցման վավերապայմանների փոփոխությունը կատարվում է փոխանցողի գրավոր դիմումի հիման վրա, այն սպասարկման կետում, որտեղ իրականացվել է փոխանցումը:

1. Փոխանցման իրականացման նույն բանկային օրվա ընթացքում փոխանցման ետ վերադարձը կատարվում է դիմումի ներկայացման օրը, միջնորդավճարի 100% վերադարձմամբ:
2. Փոխանցման իրականացման հաջորդ բանկային օրը կամ ավելի ուշ փոխանցման ետ վերադարձը կատարվում է դիմումի ներկայացման օրը, գանձված միջնորդավճարի 50% վերադարձմամբ:
3. Ոչ ֆինանսական բնույթի փոփոխությունները կատարվում են դիմումի ներկայացման օրը առանց լրացուցիչ միջնորդավճարի գանձման