Պահանջներ տրասնպորտային միջոցի նկատմամբ:

Վարկերը տրամադրվում են նոր և օգտագործված տրանսպորտային միջոցների ձեռք բերման համար:

Օգտագործված է համարվում տրանսպորտային միջոցի վերավաճառքի ցանկացած դեպք:

• Վարկի տրման պահին ռուսական արտադրության օգտագործված տրանսպորտային միջոցի տարիքը չի կարող գերազանցել 3 տարին

• Վարկի տրման պահին արտասահմանյան արտադրության օգտագործված տրանսպորտային միջոցի տարիքը չի կարող գերազանցել 7 տարին:

Վարկի արժույթը:

ՀՀ դրամ

Մեկ վարկառուին տրամադրվող վարկի նվազագույն չափը:

400'000 ՀՀ դրամ

Մեկ վարկառուին տրամադրվող վարկի առավելագույն չափը:

20'000'000 ՀՀ դրամ

Վարկի ժամկետը:

3-ից 36 ամիս

Վարկային հայտի ուսումնասիրման ժամկետները:

Մինչև 5 աշխատանքային օրվա ընթացքում՝ անհրաժեշտ փաստաթղթերի փաթեթի առկայության և վարկային հայտի պատշաճ մակարդակով լրացված լինելու դեպքում:

Վարկի ժամկետից շուտ մարում:

Վարկի ժամկետից շուտ մարման դեպքում տույժ չի գանձվում, եթե Վարկի գումարը չի գերազանցում 10'000'000 ՀՀ դրամը:

Վարկի գումարը 10'000'000 ՀՀ դրամը գերազանցելու դեպքում Վարկի ժամկետից շուտ մարման դեպքում գանձվում է տույժ ժամկետից շուտ մարված գումարի  0,5%-ի չափով:

Անվանական տոկոսադրույք:

1.Ռուսական և արտասահմանյան արտադրության նոր տրանսպորտային միջոցներ   - 16 % տարեկան:

2.Ռուսական արտադրության օգտագործված տրանսպորտային միջոցներ`

• մինչև 1 տարվա արտադրության - 17 % տարեկան,
• 1-ից 2 տարվա արտադրության - 18 % տարեկան,
• 2-ից 3 տարվա արտադրության - 20 % տարեկան,

3.Արտասահմանյան արտադրության օգտագործված տրանսպորտային միջոցներ`

• մինչև 2 տարվա արտադրության - 17 % տարեկան,

• 2-ից 5 տարվա արտադրության - 18 % տարեկան,

• 5-ից 7 տարվա արտադրության - 20 % տարեկան,

Տոկոսագումարները հաշվարկվում են վարկի գումարի մնացորդի վրա`տարին ընդունելով 365 օր

Վարկի գումարի և ավտոմեքենայի արժեքի հարաբերակցություն:

Տրանսպորտային միջոցի արժեքի 70 %` ռուսական և  արտասահմանյան արտադրության նոր ավտոմեքենաների համար:

Ռուսական արտադրության օգտագործված ավտոմեքենաների դեպքում`

• Վարկը տրամադրվում է ձեռք բերվող ավտոմեքենայի արժեքի առավելագույնը 60%-ի չափով, եթե վերջինիս տարիքը վարկի տրման պահին չի գերազանցում 2 տարին:
• Վարկը տրամադրվում է ձեռք բերվող ավտոմեքենայի արժեքի առավելագույնը 50%-ի չափով, եթե վերջինիս տարիքը վարկի տրման պահին չի գերազանցում 2-3 տարին:

Արտասահմանյան արտադրության ավտոմեքենաների դեպքում`

• Վարկը տրամադրվում է ձեռք բերվող ավտոմեքենայի արժեքի առավելագույնը 60%-ի չափով, եթե վերջինիս տարիքը վարկի տրման պահին չի գերազանցում 3 տարին:

• Վարկը տրամադրվում է ձեռք բերվող ավտոմեքենայի արժեքի առավելագույնը 50%-ի չափով, եթե վերջինիս տարիքը վարկի տրման պահին կազմում է 3-7 տարի:

Վարկային պարտավորության մարումը:

Ամենամսյա անուիտետային մարումների ժամանակա­ցույցով՝ վարկի ամբողջ ժամկետի ընթացքում:

Վարկի տրամադրման և վարկային հաշվի սպասարկման միջնորդավճար:

• 10'000 ՀՀ դրամ - մինչև 2'000'000 ՀՀ դրամի վարկերի համար,

• 15'000 ՀՀ դրամ - 2'000'001-ից մինչև 4'000'000 ՀՀ դրամի վարկերի համար,

• 20'000 ՀՀ դրամ - 4'000'001-ից մինչև 8'000'000 ՀՀ դրամի վարկերի համար,

• 25'000 ՀՀ դրամ - 8'000'001-ից մինչև 12'000'000 ՀՀ դրամի վարկերի համար,

• 35'000 ՀՀ դրամ  - 12'000'001 ՀՀ դրամից բարձր վարկերի համար:

Ապահովվածություն:

Ձեռք բերվող տրանսպորտային միջոցի գրավադրում՝ տեխնիկական անձնագիրը Բանկին ի պահ հանձնելու պայմանով և(կամ) երաշխավորություն,

Տրանսպորտային միջոցը գնահատվում է գլխամասային գրասենյակի (մասնաճյուղի) գնահատող հանձնաժողովի կողմից, որի կազմը հաստատվում է Գլխավոր տնօրենի հրամանով:

Վարկի մարումները ուշացնելու կամ չմարելու դեպքում գրավադրված գույքը ենթակա է բռնագանձման գրավի պայմանագրով սահմանված կարգով

Ապահովագրության պահանջներ:

1.   Ապահովագրությունն իրականացվում է «Մեքենայի արժեքի լրիվ ապահովագրության» տարբերակով (գողացման, կորստի կամ վնասի պատճառման ռիսկերից),

2.   Նման ռիսկերի առաջացման դեպքում Շահառուն հանդիսանում է «Առէկսիմբանկ - Գազպրոմբանկի խումբ» ՓԲԸ-ն,

3.   Ապահովագրությունն իրականացվում է վարկառուի կողմից վարկի տրամադրման պահին վարկի գործողության ամբողջ ժամանակահատվածի համար:

4.   Ապահովագրությունն իրականացվում է տրանսպորտային միջոցի լրիվ արժեքի չափով:

Պահանջներ Վարկառուների նկատմամբ:

1.   ՀՀ քաղաքացիներ, ինչպես նաև ՀՀ քաղաքացի չհանդիսացող անձիք, որոնք ՀՀ տարածքում ունեն մշտական հաշվառման վայր (տվյալ դեպքում անհրաժեշտ է ՀՀ քաղաքացի հանդիսացող անձի երաշխավորությունը) և ունեն սեփականության իրավունքով պատկանող անշարժ գույք (վարկառուն և(կամ) համավարկառուն),

2.   Վարկառուների տարիքը վարկի տրամադրման պահին չպետք է ցածր լինի 21-ից, իսկ պայմանագրով նախատեսված մարման վերջնական ժամկետը պետք է սահմանված լինի նախքան Վարկառուի կենսաթոշակային տարիքին հասնելը:

Վարկի տրամադրումը:

Պետավտոտեսչության կողմից տրանսպորտային միջոցն արգելանքի վերցնելուց, Կոշտ գրավի պայմանագրի կնքումից, և ՀՀ Կառավարությանն Առընթեր Անշարժ Գույքի Կադաստրի համապատասխան ստորաբաժանում` պետական գրանցում կատարելուց  հետո:

Վարկառուների կողմից ներկայացվող փաստաթղթերի ցանկը:

1.   Վարկային հայտ՝ Բանկի կողմից հաստատված ձևով,

2.   Սոցիալական քարտ (առկայության դեպքում),

3.   ՀՀ քաղաքացու անձը հաստատող փաստաթուղթ (ՀՀ քաղաքացի չհանդիսացող անձանց համար - անձը հաստատող փաստաթուղթ՝  ՀՀ տարածքում մշտական հաշվառման վայր ունենալու վերաբերյալ համապատասխան նշումով (տվյալ դեպքում անհրաժեշտ է ՀՀ քաղաքացի հանդիսացող անձի երաշխավորությունը),

4.   Ամուսնական կարգավիճակը հավաստող փաստաթուղթ (ամուսնության, ամուսնալուծության, ամուսնու մահվան վկայականներ և այլն) (առկայության դեպքում),

5.   Տեղեկանք աշխատանքի վայրից աշխատավարձի վերաբերյալ կամ հավանական վարկառուի եկամուտները հիմնավորող փաստաթղթեր,

6.   Աշխատանքային գրքույկ (առկայության և անհրաժեշտության դեպքում),

7.   Տրանսպորտային միջոցի տեխնիկական անձնագիր,

8.   Ներմուծվող տրանսպորտային միջոցների դեպքում՝ մաքսային մուտքի օրդեր,

9.   Իրավաբանական անձանց տնօրենի համար` պետ. ռեգիստրի կողմից գործադիր մարմնի ղեկավարի պետական գրանցման ներդիրը:  

10.              Վարկառուի կամ համավարկառու(ներ)ի սեփականությունը հանդիսացող անշարժ գույք(եր)ի սեփականության իրավունքի գրանցման վկայական(ներ)ի պատճեն(ներ)ը

Այլ փաստաթղթեր Բանկի պահանջով: