2002 թվականի փետրվար ամսին Բանկն առաջինը Հայաստանում դարձավ Միջազգային վճարային VISA Int. համակարգի Լիիրավ անդամ:
2005-ին Առէկսիմբակը դարձավ նաեւ MasterCard Int. համակարգի Լիիրավ անդամ:

Բանկը տրամադրում է VISA Gold, VISA Classic, VISA Business եւ VISA Electron, ինչպես նաեւ MasterCard Gold, MasterCard Standard եւ Maestro քարտեր` մեկ կամ երկու տարի գործունեության ժամկետով:

2008թ. օգոստոսի սկզբին բանկի պրոցեսինգային կենտրոնը փակվել է եւ անցել է սպասարկման ԳԱԶՊՐՈՄԲԱՆԿի կենտրոնական պրոցեսինգային կենտրոն: Այդ նախագծի նպատակն է` վճարային քարտերի միջոցով ծառայությունների ցանկի ընդլայնումը:

«ԱՌԷԿՍԻՄԲԱՆ-ԳԱԶՊՐՈՄԲԱՆԿԻ ԽՈՒՄԲ»ՓԲԸ իրականացնում է աշխատավարձային ծրագրեր` տրամադրելով աշխատավարձը միջազգային պլաստիկ քարտերի միջոցով: Տրամադրվում են օվերդրաֆտներ աշխատակիցների աշխատավարձի մինչև 300%-ի չափով: Բանկի հաճախորդ կազմակերպությունների աշխատակիցներին աշխատավարձային քարտերով վարկային սահմանաչափը տրամադրվում է միայն Բանկի և Կազմակերպության միջև կնքված համագործակցության պայմանագրի առկայության դեպքում, համաձայն որի  նշվում են քարտերի տրամադրման  և սպասարկման պայմանները, վարկային սահմանաչափի տրամադրման պայմանները` տարեկան տոկոսադրույքը, տրամադրվող վարկային սահմանաչափը (100% և 300%) ինչպես նաև արտոնյալ ժամկետը (40 օր) :

Բանկի հաճախորդ կազմակերպությունների աշխատակիցներին և բանկում չսպասարկվող կազմակերպությունների աշխատակիցներին տրամադրված Բանկի  քարտերով տրվում  է վարկային սահմանաչափի հնարավորություն :

Վճարային քարտերի տրամադրման, քարտային հաշվի բացման և սպասարկման վերաբերյալ (ֆիզիկական անձանց և անհատ ձեռնարկատերերի համար) պայմանագիր

Վճարային քարտերով կատարված գործարքների բողոքարկման հայտ

 Ուշադրություն

Քարտային հաշվի քաղվածքում արտացոլված գործարքների հետ անհամաձայնության դեպքում, Հաճախորդը պետք է գրավոր դիմի Բանկին գործարքի իրականացումից 45(Քառասունհինգ) օրվա ընթացքում: Հաճախորդը կարող է դիմումին կցել վիճարկելի գործարքի գումարի չափը հաստատող ցանկացած փաստաթուղթ: Նշված ժամկետում քաղվածքում նշված գործարքների վերաբերյալ Հաճախորդի կողմից առարկությունների բացակայության դեպքում, բոլոր գործարքները համարվում են իրականացված: Հաճախորդի կողմից առարկությունները սահմանված ժամկետից ուշ Բանկ ներկայացնելու դեպքում Բանկը պատասխանատու չէ քաղվածքում արտացոլված գործարքների իսկության համար: Բանկը պատասխանատվություն չի կրում Հաճախորդի կողմից իր քարտային հաշվի ամենամսյա քաղվածքը ստանալու խնդրանքով Բանկին ոչ ժամանակին դիմելու համար:

Վիճարկելի հարցերի լուծման միջոց է հանդիսանում VISA կամ MasterCard վճարային համակարգերից ստացված պատասխան էլեկտրոնային հաղորդագրությունը, որը Բանկն իր հերթին թղթային ձևով տրամադրում է Հաճախորդին: Հաճախորդի պահանջով, Բանկը տրամադրում է գործարքի իսկությունը հաստատող փաստաթուղթ՝ գանձելով այդ ծառայության համար Բանկի գործող սակագներով սահմանված միջնորդավճարը:

Հաճախորդի (լիազորված անձանց) կողմից վիճարկված գործարքի գումարը մուտքագրվում է քարտային հաշվին VISA կամ MasterCard վճարային համակարգերից ստացված տվյալ գործարքը հաստատող գումարի չափով:

Այն դեպքում, երբ Կողմերին չի հաջողվում լուծել վիճարկելի հարցերը բանակցությունների միջոցով, ապա նման հարցերը ենթակա են լուծման դատական կարգով՝ համաձայն ՀՀ օրենսդրության:

Վճարային քարտերից օգտվելու կանոնները

1.    Քարտի կորուստի դեպքում

2.    Առևտրա-սպասարկման կազմակերպություններում ապրանքի և մատուցված ծառայության դիմաց կատարվող վճարումներ

3.    ԱԳՄ-ից դրամի կանխիկացում

4.    ԱԳՄ-ն «բռնագրավել է» քարտը

5.    ԱԳՄ-ի աշխատանքի խափանաում

6.    Դրամի կանխիկացում բանկի ստորաբաժանումներում

7.    Ինչպես վարվել քարտի  խափանման դեպքում

8.    Ինչու Ձեր քարտային հաշվից դուրս է գրվել ավելի մեծ գումար քան նախատեսում էիք

9.    Եթե Դուք կամ Ձեր կողմից լիազորված անձը համաձայն չեք  քաղվածքում արտացոլված գործարքների հետ