Բանկային  պահատեղեր

Կյանքի բոլոր դեպքերի համար

Արձակուրդ կամ երկարատև գործուղման մեկնելուց առաջ կամ պարզապես տանը պահվող ձեր ունեցվացքի ապահովության համար Դուք կարող եք օգտվել  բանկային անհատական պահատեղերից : Բանկային պահատեղերում կարելի է պահել կանխիկ գումար, արժեթղթեր, թանկարժեք մետաղներ և քարեր, ոսկյա զարդեր,  գաղտնի թղթեր, հնաոճ իրեր, արվեստի նմուշներ,էլեկտրոնային տեղեկատվական կրիչներ, ինչպես նաև այլ արժեքավոր:

Բանկային պահատեղերը զինված են դրանցում պահվող իրերի անձեռնմխելիության համար անհրաժեշտ ժամանակակից տեխնիկական միջոցներով: Բանկը պատասխանատվություն է կրում պահատեղերի անխափան և անվտանգ աշխատանքի համար:

Բանկային պահատեղի վարձակալման կարգը`

Պահատեղերի վարձակալման համար պետք է դիմել Նալբանդյան փ.116 հասցեում տեղակայված, անհատական բանկային պահատեղերով հագեցած «Առէկսիմբանկ - Գազպրոմբանկի խումբ» ՓԲԸ-ի «Նալբանդյան»  մասնաճուղ: Պայմանագիր կնքելու համար  ձեզանից կպահանջվի անձնագիր և սոցիալական քարտ: Վարձը վճարելուց հետո մեր աշխատակիցը  ձեզ  կտրամադրի բանալի, և Դուք անմիջապես կկարողանաք օգտվել պահատեղից:

Բանկն առաջարկում է  չորս տեսակի պահատեղեր` կախված  նրանց չափսերից: Վարձակալության գումարը կախված է վարձակալության ժամկետից և պահատեղի չափսից: Վարձակալության գումարն ընդունվում է վարձակալման ամբողջ ժամանակահատվածի համար` ինչպես կանխիկ, այնպես էլ` անկանխիկ եղանակով:Վարձակալության ժամկետը տևում է մեկ օրից մինչև մեկ տարի: Անրաժեշտության դեպքում պայմանագրի ժամկետը կարելի է երկարացնել կամ  վաղաժամկետ կասեցնել:

Լիազորագիր

Դառնալով վարձակալ` Դուք կարող եք  պահատեղից օգտվելու լիազորությամբ օժտել երրորդ անձին:

Վարձակալ-ֆիզիկական անձը կարող է իր իրավասությունները լիազորել իր ներկայացուցչին` նոտարով  կամ բանկի կողմից հաստատված լիազորագրի հիման վրա:

Վարձակալ-իրավաբանական անձը կարող է իր իրավասությունները լիազորել իր ներկայացուցչին ինչպես նոտարով, այնպես էլ իր ղեկավարի (ղեկավար մարմնի) կողմից հաստատված լիազորագրով:

Պահատեղերից օգտվելու իրավասությունը`

Պահատեղը կարելի է բացել միայն երկու բանալիների օգնությամբ, որոնցից մեկը պահվում է բանկում, իսկ երկրորդը մնում է ձեր կամ ձեր լիազորված անձի մոտ:

Վարձակալը պահատեղից կարող է օգտվել միայն հաճախորդների սպասարկման օրերին և ժամերին  պահատեղի բանալին և անձը հաստատող  փաստաթուղթ ներկայացնելու դեպքում:

Լիազորված անձինք բանկային պահատեղերից կարող են օգտվել պահատեղի բանալու, անձը հաստատող փաստաթղթի, ինչպես նաև նոտարի կողմից հաստատված կամ բանկում ձևակերպված և հաստատված լիազորագրի առկայության դեպքում:

Եթե պահատեղը վարձակալված է երկու անձանց կողմից, ապա բանկն իրականացնում է վարձակալների հետ համաձայնեցված պահաուփերից օգտվելու հսկողություն:

Սահմանափակումներ

Պահատեղերի մեջ արգելվում է պահել բռնկուն, ռադիոակտիվ նյութեր, թմրանյութեր, և այլ նյութեր (առարկաներ), կենդանական և բուսական աշխարհի նմուշներ, որոնք կարող են  վատ ազդեցություն ունենալ մարդկանց, շրջակա միջավայրի, պահատեղի կամ բանկային գույքի վրա, ինչպես նայև այնպիսի առարկաներ, որոնց հատկությունները հակասում են դրանց պահելուն:

Ուշադրությո'ւն  

Պահատեղի  պարունակության գնահատման առավելագույն գումարը, որի համար բանկը կրում է պատասխանատվություն, 5 000 000 ՀՀ դրամ է:

Գաղտնիությունը

«Երկու բանալիների սկզբունքը» (հաճախորդի բանալի և բանկի բանալի) ապահովում է անհատական պահատեղի պարունակության առավելագույն անվտանգությունը: Հաճախորդից կամ նրա վստահված անձից բացի ոչ ոք չի կարողանա պահատեղից օգտվել: Պահատեղի մեջ որևիցե բան դնելը կամ այնտեղից հանելը իրականացվում է միայն վարձակալի կողմից` առանց բանկի  հսկողության:

Անհատական բանկային պահատեղերի սակագները ՀՀ դրամով (Հատուկ ակցիաներով նախատեսված զեղչերը հաշվարկված չեն)

Փաստաթղթեր