«Էլեկտրոնային Բանկ» (eBank)

ՖԻԶԻԿԱԿԱՆ ԱՆՁԱՆՑ ՀԱՄԱՐ

Ի՞ՆՉ Է «ԷԼԵԿՏՐՈՆԱՅԻՆ ԲԱՆԿԸ»

eBank-ը հեռակայված բանկային սպասարկման համակարգ է, որը թույլ է տալիս կատարել բանկային գործառնություններ` Ինտերնետի միջոցով: eBank համակարգը հաճախորդին հնարավորություն է տալիս ցանկացած վայրից եւ ցանկացած ժամանակ աշխատել բանկի հետ: Հաճախորդի կողմից կատարվող բոլոր գործողությունների փուլերը իրական ժամանակում երեւում են համակարգչի էկրանին: Համակարգը օգտագործելու համար չեն պահանջվում հատուկ արտոնագրեր կամ հավելյալ ծրագրային միջոցներ. պահանջվում է միայն միացում Ինտերնետին: eBank-ը չի պահանջում հատուկ գիտելիքներ եւ փորձ, իսկ համակարգի ինտերֆեյսը շատ պարզ է ու հասկանալի: Համակարգից օգտվելը նույնքան հեշտ է, որքան ցանկացած Ինտերնետային էջից օգտվելը: eBank համակարգը հնարավորություն է տալիս հեռակայված կերպով կատարել ավելի քան 20 բանկային գործառնություն` աշխարհի ցանկացած կետից, ցանկացած ժամանակ, շաբաթվա ցանկացած օր:

Համակարգը հնարավորություն է ընձեռում`

• օգտագործել անվտանգ կապի միջոց.
• դիտել բանկային փաստաթղթերը.
• ստանալ տեղեկություններ հաշիվների մնացորդների եւ շարժի մասին.
• Բանկ ուղարկել վճարային եւ այլ փաստաթղթեր ու հետեւել դրանց կատարմանը.
• ստանալ վճարային քարտերի հաշիվների մնացորդները եւ շարժը.
• կատարել վճարումներ VivaCell բջջային կապի ծառայությունների դիմաց.
• չեղյալ համարել Բանկ ուղարկված հանձնարարականները.
• նամակագրություն վարել Բանկի հետ:

ԱՆՎՏԱՆԳՈՒԹՅՈՒՆ

Տվյալների անվտանգությունը ապահովելու համար Համակարգում օգտագործվում է SSL պրոտոկոլը: Բանկի համակարգչային համակարգերը սարքինացված են տեղեկատվական անվտանգության ժամանակակից մեթոդներով: Բանկն անընդհատ աշխատանքներ է վարում հեռակայված բանկային սպասարկման համակարգի անվտանգության եւ Ձեր կողմից կատարվող գործառնությունների գաղտնիության ապահովման խնդիրների շուրջ: Անվտանգությունն ապահովելու համար eBank համակարգում օգտագործվում են հետեւյալ միջոցները`

• Login - ունիկալ թվային հաջորդականություն, որի միջոցով համակարգը ճանաչում է հաճախորդի ինքնությունը.
• գաղտնաբառ - ինքնության հաստատման համար նիշերի գաղտնի հաջորդականություն, որը հայտնի է միայն հաճախորդին եւ օգտագործվում է Համակարգ մուտք գործելու համար.
• սեանսային բանալի - միանգամյա օգտագործման թվային հաջորդականություն, որն օգտագործվում է վճարային փաստաթղթերի հաստատման համար:

ՍԱԿԱԳՆԵՐ

• ֆիզիկական անձիք - ռեզիդենտներ` 1300 դրամ ամսեկան.
• ֆիզիկական անձիք - ոչ ռեզիդենտներ` 12000 դրամ ամսեկան, միացման վարձ` 23000 դրամ.
• քարտատեր հաճախորդներ` 7000 դրամ տարեկան:

ԻՆՉՊԵ՞Ս ԴԱՌՆԱԼ ՀԱՄԱԿԱՐԳԻ ՕԳՏԱԳՈՐԾՈՂ

eBank համակարգից օգտվելու համար անհրաժեշտ է`

• դիմել Բանկի Գործառնական վարչություն` սպասարկման պայմանագիր կնքելու համար.
• Բանկից ստանալ գաղտնաբառով ծրարը, սեանսային բանալիների ծրարը եւ Ձեռնարկը.