Առարկայազուրկ մետաղական հաշիվների բացման և սպասարկման սակագներ

   Հարգելի հաճախորդներ,
   Հայտնում ենք Ձեզ մեր երախտապարտությունը` մեր ծառայություններից օգտվելու, ինչպես նաև ակտիվորեն արձագանքելու համար: Մենք միշտ մտահոգ ենք Ձեզ համար առավել հարմարավետ ծառայությունների մատուցման և ժամանակակից գործիքների կիրառման առնչությամբ: Ստորև առաջարկում ենք ծանոթանալ Առարկայազուրկ մետաղական հաշիվների (ԱՄՀ) բացման և վարման մանրամասներին:

   Նպատակ ունենալով Ձեր գումարները զերծ պահելու արժութային ռիսկերից` Բանկն առաջարկում է անկանխիկ ոսկով մետաղական հաշիվներ: ԱՄՀ-ն անկանխիկ ոսկու հաշվառման և անկանխիկ ոսկով գործարքների կնքման նպատակով բացվող և վարվող հաշիվ է: Այս դեպքում միայն արձանագրվում են ոսկու հարգն ու կշիռը: Այսինքն, Ձեզ հնարավորություն է տրվում մեր Բանկում բացել ԱՄՀ կամ հայտի միջոցով առկա հաշիվը վերածել ԱՄՀ-ի, Ձեր հաշվում առկա գումարը վերածել ոսկու (խոսքը առարկայական ոսկու մասին չէ) և օգտվել հետևյալ արտոնություններից.

• Գումարի վաստակում` միջազգային շուկաներում ոսկու արժեքի բարձրացման հետևանքով,
• Արժութային փոխարժեքների տատանման ազդեցության նվազեցում,
• Կեղծիքներից և մոլորեցումներից խուսափելու հնարավորություն, ինչը պատահում է ոսկու առարկայապես գնման դեպքերում,
• Առարկայական ոսկու կորստի կամ վնասման հնարավոր ռիսկերի բացակայություն,
• Ժամանակի տնտեսում և արագ իրացվելիություն. Դուք ցանկացած պահի կարող եք ոչ առարկայական ոսկին Բանկին վաճառել` տվյալ պահին գործող փոխարժեքով:

[Հայտ]
[Պայմանագրի ձև ֆիզ. անձանց]
[Պայմանագրի ձև իրավ. անձանց]
[Տեղեկանվական ամփոփոգիր]

    Սպասարման վճարը գանձվում է եռամսյակային կտրվածքով եռամսյակի սկզբին, ընդ որում եռամսյակի ընթացքում բացված հաշիվների համար մինչև հաջորդ եռամսյակի սկիզբ վճար չի գանձվում:

Բանկի կողմից սահմանվում են 1 գրամ անկանխիկ ոսկու առք ու վաճառքի փոխարժեքներ, որոնք հիմք են ընդունվում հաշվով իրականացվող գործարքներ իրականացնելիս: Մետաղական հաշվից  ոսկու ելքագրումն իրականացվում է հաշվում առկա անկանխիկ ոսկին Բանկի կողմից սահմանված փոխարժեքով Բանկին վաճառելու կամ անկանխիկ ոսկու հաշիվներին փոխանցելու միջոցով

Ոսկու անկանխիկ առուվաճառքը կատարվում է  ներկայացված հայտի հիման վրա: