«Էլեկտրոնային Բանկ» (eBank)

ԻՐԱՎԱԲԱՆԱԿԱՆ ԱՆՁԱՆՑ ՀԱՄԱՐ

Ի՞ՆՉ Է «ԷԼԵԿՏՐՈՆԱՅԻՆ ԲԱՆԿԸ»

eBank-ը հեռակայված բանկային սպասարկման համակարգ է, որը թույլ է տալիս կատարել բանկային գործառնություններ` Ինտերնետի միջոցով: eBank համակարգը հաճախորդին հնարավորություն է տալիս իր աշխատանքային վայրից ցանկացած ժամանակ աշխատել բանկի հետ: Հաճախորդի կողմից կատարվող բոլոր գործողությունների փուլերը իրական ժամանակում երեւում են համակարգչի էկրանին: Համակարգից օգտվելու համար պետք է ունենալ միացում Ինտերնետին եւ համակարգի հասանելիության միջոցների փաթեթ, որը ներառում է հատուկ ծրագրային միջոց եւ փաստաթղթավորում։ eBank-ը չի պահանջում հատուկ գիտելիքներ եւ փորձ, իսկ համակարգի ինտերֆեյսը շատ պարզ է ու հասկանալի: Համակարգից օգտվելը նույնքան հեշտ է, որքան ցանկացած Ինտերնետային էջից օգտվելը: eBank համակարգը հնարավորություն է տալիս հեռակայված կերպով կատարել ավելի քան 20 բանկային գործառնություն աշխարհի ցանկացած կետից, ցանկացած ժամանակ, շաբաթվա 7 օրերին:

Համակարգը հնարավորություն է ընձեռում`

• օգտագործել անվտանգ կապի միջոց.
• դիտել կազմակերպության բանկային փաստաթղթերը.
• ստանալ տեղեկություններ ձեռնարկության հաշիվների մնացորդների եւ շարժի մասին.
• Բանկ ուղարկել վճարային եւ այլ փաստաթղթեր ու հետեւել դրանց կատարմանը.
• ստանալ վճարային քարտերի հաշիվների մնացորդները եւ շարժը.
• կատարել Բանկի կողմից իրականացվող ծառայությունների համար վճարումներ.
• չեղյալ համարել բանկ ուղարկված հանձնարարականները.
• նամակագրություն վարել Բանկի հետ:

ԱՆՎՏԱՆԳՈՒԹՅՈՒՆ

Տվյալների անվտանգությունն ապահովելու համար, իրավաբանական անձանց համար, eBank համակարգում կիրառվում է տեղեկատվության կրիպտոգրաֆիկ պաշտպանության համակարգ, որի հիմքում ընկած է փոխանցվող ամբողջ տեղեկատվության ծածկագրումը` 1024 բիտանոց բանալու միջոցով: Բանկի համակարգչային համակարգերը սարքինացված են տեղեկատվական անվտանգության ժամանակակից պահանջներին համապատասխան: Անվտանգությունն ապահովելու համար eBank համակարգում օգտագործվում են հետեւյալ միջոցները`

• օգտագործողի ինքնացուցիչը - ունիկալ թվային հաջորդականություն, որի միջոցով համակարգը ճանաչում է հաճախորդի ինքնությունը.
• գաղտնաբառ - ինքնության հաստատման համար նիշերի գաղտնի հաջորդականություն, որը հայտնի է միայն հաճախորդին եւ օգտագործվում է Համակարգ մուտք գործելու համար.
• փոխանցվող տեղեկատվության ծածկագրման միջոցներ.
• փաստաթղթերիէլեկտրոնայինստորագրության միջոցներ։

ՍԱԿԱԳՆԵՐ

• իրավաբանական անձիք - ռեզիդենտներ` 13000 դրամ ամսեկան.
• իրավաբանական անձիք - ոչ ռեզիդենտներ` 23000 դրամ ամսեկան, միացման վարձ` 23000 դրամ:

ԻՆՉՊԵ՞Ս ԴԱՌՆԱԼ ՀԱՄԱԿԱՐԳԻ ՕԳՏԱԳՈՐԾՈՂ

eBank համակարգից օգտվելու համար անհրաժեշտ է`

• դիմել Բանկի Գործառնական վարչություն` սպասարկման պայմանագիր կնքելու համար.
• Բանկից ստանալ համակարգի հասանելիության միջոցները.
• անձնական համակարգչում տեղադրել Բանկից ստացված հատուկ ծրագիրը եւ ներմուծել գաղտնաբառը։