2012 թվականի 1-ին եռամսյակի արդյունքներով Բանկի առևտրային կետերում դրամական միջոցների շրջանառությունը կազմել է 545 302 հազ. ՀՀ դրամ: 2011 թվականի միևնույն ժամանակահատվածի համեմատ տվյալ ցուցանիշի աճը կազմել է 26%: Այլ բանկերի առևտրային կետերում Բանկի քարտերով իրականացված դրամական միջոցների շրջանառությունը կազմել է 397 609 հազ. ՀՀ դրամ, իսկ 2011 թվականի 1-ին եռամսյակի համեմատ` 17%: Բանկի կանխիկացման կետերում միջոցների շրջանառությունը կազմել է 7 464 մլն ՀՀ դրամ, որից 2 208 մլն ՀՀ դրամը` Բանկի ՊՈՍ-տերմինալների և 5 256 մլն ՀՀ դրամը` բանկոմատների միջոցով: 2012 թվականի 1-ին եռամսյակում Բանկի կողմից թողարկվել է 4815 պլաստիկ քարտ, որից VISA` 3 285, MasterCard` 981 և ArCa` 549 քարտեր:

Ակտիվորեն զարգանում է նաև Բանկի վճարային քարտերի սպասարկման կետերի հատվածը: 31.03.2012թ. դրությամբ վճարային քարտերի սպասարկման ցանցում տեղադրվել է` բանկոմատ – 58 հատ, կանխիկացման ՊՈՍ տերմինալ - 39 հատ, առևտրային ՊՈՍ տերմինալ - 218 հատ: 2012թ-ին «Առէկսիմբանկ-Գազպրոմբանկի խումբ» ՓԲԸ-ն մտադիր է ավելացնել բանկոմատների քանակը մինչև 83 և ՊՈՍ-տերմինալներինը` մինչև 300, որը 2011թ-ի համեմատ կավելանա համապատասխանաբար 25 և 100-ով: